Ùut wat vieraafgeit, hebt der kònnen opmake det ene korten einklank in 't Mièvers altied mèt 1 letter weert gesjrieve. Ene langen einklank weert in 't Mièvers altied mèt 2 lètters gesjriève, behalve in 'n uupe lèttergrièp es er kan verinkeld wère. Zuu kan de èè van rèèk (hooihark) in rèke (hooiharken) mèt 1 lètter gesjriève wère, mè de ao van staof (kachel) blieft ao in staove (kachels).
Enen twièklank is ene korten of lange klinker dèè ònner 't ùutsprèke tervan verannert. De klinker buu er mèt begint hèèt de volle klemtuun en geit iever in enen annere klinker.
In 't Mièvers beginne de korte twièklanke mèt ene korte klinker dèè ièvergeit in ene lichte gesluute klinker i of u.
| ie | pien (pijn) biete (bijten) |
ùu | dùuf (duif) dùuwe (duwen) |
| ei | gemeint (gemeente) zeige (zeggen) |
ui | ruim (room) huiwe ('houwen') |
| au | kauw (kou) blauwe (blauwe) |
| îe | piep (pijp) wiever (wijven) |
ûu | bùuk (buik) krùupe (kruipen) |
| êi | bein (been) kleijer (klederen) |
ûi | guid (goud) sjuiwer (schouder) |
| âu | zaut (zout) hauwe (houden) |
||
Van' e lang twièklanke zeen er in 't Mièvers klanksistèèm twiè suurte: uupenende en slùutende. Die beginnen allemaol mèt ene lange klinker.
Bie de uupenende volgt in 'n gesluute lèttergrièp vier t, s, n, of es ni drek eet volgt op dèè lange klinker ene lichte naoslaag van 'n doffe e. In sòmmige dialekte buu die doffe e mier duurklinkt, volgt in' e spelling op dèè lange klinker een ë. Det doon ich in' e Mièver spelling ni. bv. pièt (poten), ziè (zee), bruud (brood), zuu (zo). Bie de slùutende geit de lange klinker ièver in i. Det twiède element weert in' e Mièver spelling es j gesjriève.
| ièᵊ | tièn (teen) twiè (twee) |
uuᵊ | duud (dood) uuts (ooit) |
| ièj | brièj (broden) kièjtsje (gaatje) genièjd (genodigd) |
uuj |
huuj (hooi) |
| eej | heej (hoeden) hèèjdsje (hoedje) gebreejd (gebroed) |
ooj | gooj (goede) bloojt (bloed) gespoojd (gespoed) |
| èèj | snèèj (snee=snede) drèèjdsje (draadje) gebèèjd (gebeden) |
aoj | baoj (veldbode) raojde (raadde) gezaojd (gezaaid) |
| aèj | kraèj (kraai) draèjt (draait) gezaèjd (gezaaid) |
aaj | laaj (la=lade) begaajde (begaadde) gespaajd (gespaad) |
| îêᵊ | gezièn (gezien) miè (in: ni miè) |
ûûᵊ | guun (gaan) zuu (in verwondering: mè zuu!) |
| îêj | kièjtsje (kootje=gaatje) nièjtsjes (nootjes) |
ûûj | luujtsjes (lotjes) |
| âêj |
bezaèj (besef, verstand) |
Opmerkingen
