De Reengenoten
Geschied- en heemkundige kring van Meeuwen, Gruitrode
Neerglabbeek, Ellikom en Wijshagen
Sinds 1 januari 2019 deel van Oudsbergen

U bent hier

Home » Dichters op de sofa

Dichters op de sofa

Tijdens de voorstelling van de eerste bundel dialectgedichten van Jean Bosmans op Gedichtendag 2020 mochten de aanwezigen in de raadzaal van het gemeentehuis in Meeuwen zich naamloos wagen aan enkele versregels op het valentijnsthema Ich zeen dich gèèr. Een idee van Reengenotenvoorzitter Rik Hoogmartens. Daarna zou Jean de hem toevertrouwde anonieme 'schrijfsels' - een 12-tal zo bleek toen de urne werd geleegd - verwerken in één gedicht. Een utopie van Reengenotenvoorzitter Rik Hoogmartens. Dat is dus niet gelukt, maar onze dichter heeft zich wel in 9 relevante publieksbijdragen proberen in en uit te leven.

Hieronder is het resultaat in willekeurige volgorde en voorzien van een titel. Voor de Valentijntjes van Oudsbergen heeft Jean nog een one-liner bedacht:

Ich zeen dich nòg lever es gèèr

 

 

 

De gedichten

1
Nòg effe

Vierdet vèè guun slaope
moos te mich effe gewère laote
dan zèt ich mich rèstig in ’n heekske
en lèès er mèt e lekker keekske
nòg e stèk of twiè
in det Mièvers gedichtebeekske.

2
Verwònnering

Ich zeen dich gèèr
van achter en van vèèr
van buuven en van ònner
want dich bès echt
det maag gezagd
e gewèllig wònner.

3
Zuu wie mèt valentijn

Al is er gries en sòms verward
ich draag em altied in mien hart
in wèèld en wiè, in nuud en wèt
want ni alles zit uis altied mèt.
Dan sjinke vèè uis klaore wien
en krùupe mer weer kort biejein
dan weert et weer ruuzegèèr en maonesjien
zuu wie mèt valentijn.

4
Eins wèlke klèèr

Ziet er mich bluut
dan weert er ruud
Kòm ich ni gauw
dan weert er blauw.
Eins wèlke klèèr
ich zeen em gèèr.

5
Zuiw ich?

Ich bin nòg altied aan ’t dinke:
zeig ich gojendaag
of zuiw ich allein mer winke?
Ich kos missjien uich
gewuun ’n eigske pinke
dan dinkt die oppeslaag:
kiek hèèm dao nùuw ins blinke.

6
Gèèr zeen

Ònnerein zeivere
de´s gèèr zeen.
Zitte te stechele
de´s gèèr zeen.
Tiègenein mùule
de´s sòms uich gèèr zeen.
Mè Mièvers kalle …
de´s gewuun
’n kwestie van …
zich wille verstuun.

7
Nuuts spiet van gad

Dertig jaor gelièje
kwaam er achteròm gerièje
en nao een aantal kiere
gebierde wat mees gebiere
want et stòn in´e sterre gesjriève
det ich em volge zuiw nao Miève
en daovier wil ich dich nùuw zeige: Sjat,
ich hem er nòg nuuts geine spiet van gad.

8
Viergood aanein

t`Is al weer effekes gelièje
det ich em tiègekwaam
dèè sjuune jòng. En buu?
Det kimt er ni op aan.
Hèè waas slank en gruut
en sjuun
neij, hèè vool ni
ùut´n tuun
Al rap ging er ins mèt
nao uis maa en uize paa.
Hèè laag nòg waal ni midde in bèd
mè toch al in´e buuveste laaj.
Ze ware missjien e bitske verrast
mè ze vònnen et ene goje gast:
“eindelik eine dèè bie dich past”
En nùuw hange vèè viergood aanein vast.

9
Vier mienen òtto

Ich zeen dich gèèr
ni allein mer vier de klèèr
mè uich vier diene gèèr.
Ich riej mèt dich
op en nèèr
duur sniè en sliek
en losse èèrd.
In winter en
in zuumerwèèr
brings te mich nao alle heek
en leets te mich nuuts ni in´e steek
want dich trèks òmmers van vèèr.
En al steis te bie uis mer in´e sjeer
dich geis vier mich es´t moot duur´t veer.